Hemen argitaratutako argazkiak, zuzenean igotzen ari dira flickr-era. cc lizentziapean daude guztiak.
Antolaketa staff guztia horiz:

Argibideak:

Mozillari buruzko gela, bete beterik une oro:

Aretoak bete entzule:

argazkiak: martin creutzeger, teemu mantynen
etiketa: fosdem2009

Realtime results for #fosdem

*

iPtx: thunderbird berriak, oso bilatzaile txukuna (ikusgarritasunetik) daukala erakutsi digu David Ascher garatzaileak #thunderbird #fosdem
8 minutes ago · Reply · View Tweet

*
jornjambers: On his way to #fosdem. With @matti @mathiasmassez but first shave and take a shower.
9 minutes ago · Reply · View Tweet

*
Bunker: Twunch corner at #fosdem http://twitpic.com/1dznx
11 minutes ago · Reply · View Tweet

*
valakirka: #fosdem common debian build system… creo que soy la única mujer de toda la sala… qué cosas
11 minutes ago · Reply · View Tweet

*
fosdem: #fosdem Correct is Chavanne = COLLABORATION
15 minutes ago · Reply · View Tweet

*
fosdem: #fosdem Correct is: Janson = KERNEL track
15 minutes ago · Reply · View Tweet

*
fosdem: #fosdem Rooms of Main Tracks are INCORRECTin the booklet !
17 minutes ago · Reply · View Tweet

*
JuanjeOjeda: #fosdem #upstart Nice the “timed events”… The next upstart’s versions are gonne be realy cool
19 minutes ago · Reply · View Tweet

*
arjaneising: The Hyves talk on setting up lots of servers: pity they can save a lot of them if their front-end is nicer: less servers needed #fosdem
24 minutes ago · Reply · View Tweet

*
arjaneising: Catching up on twitter. Oni looks very nice, but for a lib. a bit of fail that it doesn’t yet support other browsers than Firefox. #fosdem
27 minutes ago · Reply · View Tweet

*
Odd_Bloke: Right, time for some food and then hopefully I’ll be able to squeeze my way into the Debian room at #FOSDEM.
27 minutes ago · Reply · View Tweet

JuanjeOjeda: #fosdem I love the #upstart syntax.It makes initscripts much easier and gives you more control
35 minutes ago · Reply · View Tweet

*
magnushagander: Winner of #fosdem elephant auction: @selenamarie http://twitpic.com/1dzgy
35 minutes ago · Reply · View Tweet

*
maackers: Beard and iPhone centraal. #fosdem
37 minutes ago · Reply · View Tweet

*
dim0: is hungry #fosdem!
38 minutes ago · Reply · View Tweet

Ariketa bitxi bat, #fosdem etiketarekin, ordu erdiko elkarrizketa digitala twitter sare sozialean. Zuzenean ari gara ehundaka hemendik bertatik. Etiketa erabilienetakoa asteburuan twitter sarean.

Bruselara ostiralez heldu. hegazkinak, trenak, metroak eta autobusak.
Kaleak eta plazak. Karrikak oinez. Lo egiteko lekuetara heldu eta elkartu. Zelan? Halan!
Larunbat goizez hasi dira ekitaldiok Bruselako Unibertsitate Librean (ULB).
Free, Open, Future? galderak ireki ditu ekitaldiak. Eta gero mundu honetan aitzindariak diren Debianeko ordezkariak berba egin du. Historia eta erronkak. Ehundaka lagun, milatik gora bai plenario nagusian.
Eta ostean, gelaka, atalaka, proiektuka banatzen dira saioak.
BSD, Debian, Drupal, Fedora, Free Java, Gnome, Jabber, KDE, Mozilla, MySQL, OpenOffice, Ruby and Rayls eta X.org
Bi egunetarako egitarau oparoa. Europa mailako bilkura eta milaka lagun unibertsitatean batuta.
Lau euskaldun begiak adi adi. Ikasteko gogoz.
Eta zuoi kontatzeko, noski.

Mozilla Europe euskaraz Fosdem09ri buruz.

Free and Open Software Developers’ European Meeting 09.
Euskal Herritik Bruselarako hegaldia hartuko dugu lau lagunek, euskarazko software libre eta Interneteko proiektuetan gabiltzan lau lagun. Librezaleko kideak.

Bertan, software librearen inguruan gaur egun dauden kezka eta gai nagusiak jorratuko dira.
softwarelibrea.org honetan hango berri emango dugu, zuzenean.

Mozillako lagunek inoiz ez zuen amestu ere egin interneten gabiltzanon azeri gorritxoarekiko maitasunak, Firefox nabigatzaile erabiliena bihurtuko genuenik. Orain arteko progresioa jarraituz Firefox 2009an merkatuko kuotaren erdia baino gehiago izango du. Ikus hilero hilero ateratako estatistikek adierazten dutena, w3schools gune prestigiotsuaren arabera.

Zergatik da Firefox hain maitatua?

Librezaleko lagunek bere ezaugarri esanguratsuen laburpen ikusgarria itzuli digute.

Nabigatzaile politena da, zure gustura pertsonalizatzeko aukera ematen baitizu, pertsonalizatu itxuran eta eginbeharretan noski.

Iruzurrik ez jasateko neurriak hartzen ditu eta beraz zure segurtasuna zaintzen du.

Ez zenuen ezagutzen?
hemen duzu informazio sakona.

Gehiago goxatu nahi?
Zure mailaren araberako bosna trikimailu eta aholku daude zuretzat.

Ikastaroko lehen egunean ikasleek inkesta txiki bat bete zenuten informatika ezagutza mailari puntuak emanez (1etik 5era). Gai bakoitzari emandako puntuen bataz-bestekoekin egindako taula hau duzue:

Informatika ezagutza/erabilera

Honen ondorioz agerikoa da ikastaroan testuei denbora murriztu eta Gnu/linux indartu beharra daukagula. Ea Amaierako taulan azken toki horretatik tux altzatzerik daukagun.

Artikulu hau urriaren 17ko Goienkarian publikatu dugu:

Askatasuna
Askatasuna da software librearen ikurra. Lau oinarrizko askatasun aldarrikatzen ditu:
askatasuna programa erabiltzeko
askatasuna aztertzeko eta aldatzeko (ondorioz kodea eskuragarri egon behar da)
askatasuna programak kopiatzeko eta banatzeko
askatasuna programak hobetzeko eta komunitateari berriz emateko.

Jakintza elkarbanatu
Kodea askatasunez ikusteak eta hobetzeak dakarren abantaila nagusia, jakintza elkarbanatzearena da; elkarlanean programak hobetzea, hobekuntzen onuradun gizarte osoa dela azpimarratuz. Abantaila praktiko honetan oinarrituz Open Source mugimendua sortu zen

Software librearen mugimenduak (Free Software Foundation), alde praktikoaz gain, balore etikoak defendatzen ditu. Softwarea jakintza da eta jakintza trabarik gabe banatu behar da. Jakintza gordetzea gizartearen aurka jardutea da, adierazpen askatasunaren murrizpen bezala ulertuz.
Itzulpena denon eskura

Euskara
Kodea eskuragarri egoteak, nahi den hizkuntzara itzultzeko aukera ematen du, filosofia bera jarraituz, itzulpen hori guztiontzat eskuragarri egongo delarik. Honela, itzulpen hori beste programa batzuk itzultzeko erabil daiteke.
Gure kasuan, programak euskaraz izateko eta programa gehiago euskalduntzeko askatasuna esan nahi luke horrek. Edonork egindako euskarapena hurrengo programa euskaratzeko erabil daitekeenez, lan izugarria aurrezten da eta askoz programa gehiago euskaratu daitezke. Software librea da etorkizuneko munduan euskara sustatzeko biderik onena da zalantzarik gabe.

Komunitate irekia
Software libreaz dihardugun honetan, ezin aipatu gabe utzi, filosofia zabal honen alde daudenek komunitate ireki bat sortu dutela, non elkarri laguntzeko prestutasuna agertzen duten. Internet bidez elkarri laguntzeko foro, blog eta wiki zerbitzuak daude. Programa konkretuen foroak, software librearen aldekoen blogak etab.
Euskaraz mugimendu honetan aitzindari www.librezale.org taldekoak ditugu, bertan programak euskaratu, euskal programak banatu eta foroaren bitartez elkarri laguntzeko aukera ematen dute besteak beste.

Nola izan Libre eta euskaldun?
Hainbat maila daude parte hartzeko orduan. Lehena eta garrantzitsuena, guztion eskura dagoena, erabilera da. Erabili ezazu software librea.

Adibide esanguratsuak
Software librean ia dena egin daitekeen arren, hona hemen adibiderik esanguratsuenak eta non lortu:
Merkatuko internet nabigatzaile onena Firefox 3 librea da.
Openoffice.org bulego lan guztiak egiteko prest dagoen aplikazioa.
Gnu/linux sistema eragilea. Ehunka banaketa dauden arren famatuenak ‘hasterako’ orduan: Ubuntu, Suse, Mandriva edo Fedora.

Beste askorentzat garrantzitsuena, software librea doan izatea da. Zertan ari zara programa piratak erabiltzen, libre eta euskaldunak doan dituzu-eta?

Zer da formatua?

Ordenagailuan dena fitxategietan gordetzen da. Aparauarentzat dena zenbakiak dira, guk zenbaki bakoitzari balio bat ematerakoan fitxategi horretan gordetzen dena ulergarri egiten zaigu. Hau formatu erarik sinpleena da, txt fitxategiena adibidez, ASCII taula aplikatzea besterik ez da eta.

Zenbaki multzoei balioak emanez, testuak, soinuak, irudiak, filmak eta bururatu dakigukeen edozer gorde daiteke ordenagailuan. Informazio konkretu hori gordetzeko erabili den “formulari” formatua deritzo. Sistema gehienetan fitxategiaren izeneko puntuaren ondorengo hiru letrek adierazten dute zein formatu duen fitxategiak.

.txt testu hutsa (ASCII)
.doc testua Microsoft word formatuaz
.odt open document testua
.pdf dokumentua portable document format Adobek sortua
.jpg irudia
.mp3 soinua
.wmv videoa
….

Formatu jabedunak

Formatu jabedunek informazioa kodifikatzean erabiltzen “formula” ez dute jakitera ematen. Honela sortutako fitxategia irakurri ahal izateko sortu duen programa erabiltzera behartuz.

Formatu jabedunek lizentziak erostera behartzen dute (edo saiatzen dira)
Zein informazio gordetzen duten ezin jakin.
Testu dokumentu batek, sortzailearen datuak, ordenagailuaren datuak eta beste hainbat datu gorde ditzake baimenik gabe.
Monopolioak mantentzeko oinarrizko tresnak dira.
Informazioaren kontrola formatuaren jabeak du eta ez dokumentuaren jabeak.

Formatu irekiak

Formatu irekiek publiko egiten duten fitxategiaren kodifikazioa eta librea da bere erabilera. Honela edonork dauka aukera jakintza hori kudeatzeko.

Formatu irekiaren abantaila nagusiak:

Datuen eskuragarritasuna bermatu, gaur eta beti.
Datuen gardentasuna. (Ez dago ezer zuk jakin gabe)
Birus eta bestelako gaitzen murriztea.
Komunikazio elektronikoan aniztasunezko elkarreragingarritasuna bultzatzen du.

Ez erabili formatu jabedun hauek: MS office formatuak .doc .xls .ppt .pps
Formatu ireki ordezkoak erabili: .odt .ods .odp edo .pdf .rtf
Irudiak formatu jabedunak: GIF BMP TIF ordezko irekiak erabili: .jpg .png .svg

Espainia famatua da legegintzan, legeak egin eta egin dabiltza politikariak gure bizitzako esparru guztiak arautu nahian. Askotan gizarteak bultzaturik lege oso onak onartu dira, baina gero…… herritarroi zuzendutako legeak zorrotz aplikatzen zaizkigu eta administrazioak bete beharrekoak sarri literatura bustia besterik ez dira.

Adibidetxo bat: 1992an onartu zen administrazio batek behin dokumentu bat eman diozunean berriz dokumentu bera ez eskatzeko legea (30/1992 LRJAPyPAC). Zenbat aldiz eskatu dizute dokumetu bera urtero zeoze egitean?

Iaz ‘LEY 11/2007, de 22 de junio, de acceso electrónico de los ciudadanos a los Servicios Público‘ legea onartu zen. Honen arabera formatu irekiak erabili behar lituzke administrazioak eta herritar orok formatu irekian aurkeztutako dena onartu. Lege hau betetzen hasteko epemuga 2009ko abenduaren 31 da.

Legea bete dadin gure administrazioek formatu irekiekin lan egiten duten programak instalatu behar dituzte eta ez lukete inondik inora herritarron dirua, gure dirua, legea betetzen ez duten lizentzietan xahutu beharko.

Microsoft jadanik ari da negoziatzen Eusko Jaurlaritzarekin eta Gipuzkoako Aldundiarekin, bere produktuak saltzeko asmoz.

Jose Luis Bilbao eta Rosa garcia (Microsoft Europa lehendakariordea)

Garaia da herritarrok mobilizatu eta administrazioari legea betez, gure eskubideak defendatuz, gure diruak multinazionalen poltsikotan bukatu ez dezaten, software librearen aldeko apustua egin dezatela eskatzeko ordua.