Inoizko Firefoxik bizkorrena
Sarean dena doa bizkor, horregatik indartu dugu Firefoxen motorra, atzean geldi ez zaitezen: Firefox 3.5 nabigatzailea Firefox 3 baino bi aldiz bizkorragoa da, eta Firefox 2 baino hamar aldiz arinagoa.
Ondorioz, posta bezalako aplikazioek, argazkidun webguneek eta zure sare sozial gogokoenek hobeto funtzionatuko dute.

Sarean dago, deskargatzeko moduan
Dagoeneko sarean, zuk ere jaitsi dezakezu, jarri, eguneratu, erabili, ezagutzera eman. Software libreak duen tresnarik ezagunena da Firefox nabigatzailea.

Euskarak duen tresnarik aurreratuena
Eta euskaraz daukagun tresnarik onenetakoa, munduan aurkeztu den egun berean aurkeztu dugu euskaraz ere. Eta horretan Librezale komunitateak zeresan eta zeregin handia du, zorionak beraz euskaratzaile, programatzaile, pootle eragile eta enparauei. Horrelako tresnekin lortzen dugu egunero, euskara XXI. mendeko  hizkuntza bizi eta modernoa izatea.
Jeitsi, kontsultatu, ikusi, ezagutarazi Mozila Firefox gune euskalduna.

Firefox 3.5 ezaugarriak

Argazkiak.org | firefox 3.5 ezaugarriak © cc-by-sa: gaztelumendi

Ezaugarri berri eta interesgarri asko ditu firefox nabigatzaileak.

Hemen argitaratutako argazkiak, zuzenean igotzen ari dira flickr-era. cc lizentziapean daude guztiak.
Antolaketa staff guztia horiz:

Argibideak:

Mozillari buruzko gela, bete beterik une oro:

Aretoak bete entzule:

argazkiak: martin creutzeger, teemu mantynen
etiketa: fosdem2009

Mozillako lagunek inoiz ez zuen amestu ere egin interneten gabiltzanon azeri gorritxoarekiko maitasunak, Firefox nabigatzaile erabiliena bihurtuko genuenik. Orain arteko progresioa jarraituz Firefox 2009an merkatuko kuotaren erdia baino gehiago izango du. Ikus hilero hilero ateratako estatistikek adierazten dutena, w3schools gune prestigiotsuaren arabera.

Zergatik da Firefox hain maitatua?

Librezaleko lagunek bere ezaugarri esanguratsuen laburpen ikusgarria itzuli digute.

Nabigatzaile politena da, zure gustura pertsonalizatzeko aukera ematen baitizu, pertsonalizatu itxuran eta eginbeharretan noski.

Iruzurrik ez jasateko neurriak hartzen ditu eta beraz zure segurtasuna zaintzen du.

Ez zenuen ezagutzen?
hemen duzu informazio sakona.

Gehiago goxatu nahi?
Zure mailaren araberako bosna trikimailu eta aholku daude zuretzat.

Arrasateko Gazte Bulegoak gazteentzako ikastaroak antolatu ohi ditu urtean zehar. Udazkenarekin ikastaro sorta berri batekin gatozkizu, eta hauetako bat software librea euskaraz.

Ikastaroa KulturAteko informatika gelan burutuko dugu, ostegun arratsaldetan 18:00etatik 20:00etara.

Ikastaroa izena emateko ez da ezer jakin behar. Euskaraz trebatuko gara, euskarazko tresnak ezagutuko ditugu, eta egunero egunero pantaila aurrean tresnok erabiltzen ikasiko dugu.

Erabiltzen ikasteko programak.

• Software librea: zer dan, zelan, zertarako, zergaitik?
• Firefox nabigatzailea
• Open Office -euskarazko ofimatika pakete librea-
• Ubuntu -sistema eragile librea-

Ikastaro erraza, atsegina eta oparoa izango da. Izena emateko pasa Gazte Bulegotik edo telefonoz deitu 943 252065ra.